काठमाडौं – सुनको मूल्यले आज नयाँ रेकर्ड बनाएको छ । आज सुनको मूल्य एक हजार सात सय रुपैयाँले बढेर तोलाको एक लाख ४२ हजार सात सय रुपैयाँ पुगेको नेपाल सुनचाँदी व्यवसायी महासङ्घले जनाएको छ ।
सुनको यो मूल्य अहिलेसम्मकै उच्च हो । हिजो सुनको मूल्य तोलाको एक लाख ४१ हजार रुपैयाँ रहेको थियो । यसअघि जेठ १८ गते सुनको मूल्य अहिलेसम्मकै उच्च एक लाख ४२ हजार दुई सय रुपैयाँ पुगेको थियो ।
त्यस्तै चाँदीको मूल्य पनि आज बढेको छ । चाँदी तोलामा २५ रुपैयाँले बढेर तोलाको एक हजार आठ सय ६० रुपैयाँमा कारोबार भइरहेको महासङ्घले जनाएको छ ।
