काठमाडौं – आज र भोलि कतै पनि पानी पर्ने सम्भावना नरहेको मौसम पूर्वानुमान महाशाखाले जनाएको छ । महाशाखाले आज र भोलि पानी पार्ने कुनै पनि मौसमी प्रणाालीको प्रभाव नरहेको जनाएको हो ।
अहिले बिहान तराई, उपत्यका तथा खोँचहरूका केही ठाउँमा हुस्सु र कुहिरो लागेको छ । आज दिउँसो लुम्बिनी, कर्णाली र सुदूरपश्चिम प्रदेशका सबै क्षेत्रमा साथै कोशी प्रदेशको तराई र मधेश प्रदेशमा आंशिक बादल लाग्नेछ ।
साथै हिमाली क्षेत्रमा पनि आंशिक बादल लाग्नेछ । बाँकी ठाउँमा मौसम सफा रहने अनुमान छ ।
महाशाखाका अनुसार भोलि पनि दिउँसो हिमाली क्षेत्रमा तथा कोशी प्रदेशको तराई क्षेत्रमा आंशिक बादल लाग्नेछ ।












