काठमाडौं — सेफ सन्तोष साह पक्राउ परेका छन् । साहलाई बैंकिङ कसुरमा गएराति जनकपुरबाट पक्राउ गरिएको काठमाडौं उपत्यका अपराध अनुसन्धान कार्यालय टेकुले पुष्टि गरेको छ ।
काठमाडौं गैरीधारामा रहेको एक रेष्टुरेन्ट खरिदको विषयमा पुरै रकम नदिएको भन्दै साहविरुद्ध सकुन्तला थापा (अधिकारी)ले मुद्दा दायर गर्नुभएको थियो ।
जिल्ला अदालत काठमाडौंको अनुमति पाएपछि धनुषाको जनकपुरधाम उपमहानगरपालिका–८ रमानन्द चोकबाट साहलाई पक्राउ गरिएको उपत्यका अपराध अनुसन्धान कार्यालय टेकुले जनाएको छ ।
