काठमाडौं – बर्दियामा मौरीले टोकेर वीरबहादुर थारुको ज्यान गएको छ ।
घरकै सिलिङमा रहेको वनमौरीको टोकाइबाट ठाकुरबाबा नगरपालिका–४ खैलार निवासी ४३ वर्षीय थारुको उपचारका क्रममा ज्यान गएको प्रहरीले जनाएको छ ।
जिल्ला प्रहरी कार्यालय बर्दियाका प्रहरी नायब उपरीक्षक रेशम बोहराले हिजो दिउँसो झण्डै १ बजे मौरीले टोकेपछि बेहोस अवस्थामा उपचारका लागि ठाकुरबाबा नगर अस्पताल पुर्याइएको थियो ।
उपचारकै क्रममा हिजो ३ बजे चिकित्सकले उहाँलाई मृत घोषणा गरेको प्रहरी नायब उपरीक्षक बोहराले जानकारी दिनुभयो ।
वीरबहादुरको घरको सिलिङमा करिब दुई महिनादेखि पाँच वटा वनमौरीका घार रहेका थिए ।
