काठमाडौं – कायममुकायम प्रधानन्यायाधीश सपना प्रधान मल्लले संवैधानिक परिषद्ले सर्वोच्च अदालतको प्रधान्यायाधीश सिफारिशमा वरिष्ठता मिचेको दाबी गरिएको रिटको दरपीठविरुद्धको निवेदन दर्ता गर्न आदेश दिनुभएको छ ।
रिट निवेदक प्रेम सिलवालले आज बिहान मल्ललाई भेटेर इजलाशमा पेश हुने निवेदनसमेत नभएको भनी उजुरी दिएपछि उहाँले सर्वोच्च प्रशासनलाई आदेश दिनुभएको हो ।
गएको वैशाख २५ गते संवैधानिक परिषदबाट प्रधानन्यायाधीशमा सिफारिश गर्दा वरिष्ठताका आधारमा नगरी चौथो नम्बरमा रहेका मनोजकुमार शर्मालाई सिफारिश गरिएपछि वरिष्ठ अधिवक्ता दिनेश त्रिपाठी, अधिवक्ता सिलवाललगायतले सर्वोच्चमा रिट पेश गर्नुभएको थियो । त्यो रिट सर्वोच्चका रजिस्ट्रारबाट रिट दर्ता गर्न अस्वीकार गरी दरपीठ गरिएको थियो ।
अधिवक्ता सिलवाल दरपीठविरुद्ध वैशाख २८ गते इजालससमक्ष निवेदन लिएर पुग्नुभएकोमा सर्वोच्च अदातलको निवेदन केही समयमा दर्ता हुने भन्दै रोकेको थियो । कायममुकायम प्रधानमन्याधीश मल्लको आदेशपछि निवेदन दर्ताको प्रक्रियामा गएको सर्वोच्च प्रशासनले जनाएको छ ।
