काठमाडौं – नेपाली कांग्रेसका नेता एवम् तत्कालीन गृहमन्त्री रमेश लेखक गएको भदौ २३ र २४ गतेको नवयुवा आन्दोलनका क्रममा भएको घटनाको छानबिन गर्न गठित जाँचबुझ आयोगमा बयान दिन उपस्थित हुनुभएको छ ।
आयोगले यसअघि लेखकलाई बयानका लागि बोलाएको थियो । शुरूमा हिजोका लागि तोकिएको समयमा विशेष कारणले उपस्थित हुन नसकेपछि लेखक आज दिउँसो आयोगमा पुग्नुभएको हो ।
गौरीबहादुर कार्की नेतृत्वको तीन सदस्यीय आयोगले नवयुवा आन्दोलनका क्रममा प्रहरीको अत्यधिक बल प्रयोग, मानवअधिकार उल्लङ्घन र क्षतिको छानबिन गरिरहेको छ ।
आन्दोलनका बेला लेखक गृहमन्त्री हुनुहुन्थ्यो । शान्ति सुरक्षाको जिम्मेवारी उहाँमाथि नै थियो । आयोगले यसअघि विभिन्न सुरक्षा अधिकारी र कर्मचारीहरूको बयान लिइसकेको छ ।
